Ti, qē na kujton Kuran...!

Mirë se erdhe Ramazan, Ti që na kujton Kuran, erdhe me gjithë këto begati, sa modest dhe me madhështi, me agjërim, me Natë Kadri, me Ezan, me namaz dite, e namaz nate, me namaz vitri, teravi, me nafile , salavate per profetin, dhe me dua dhe me lavde. O Allah, qofsh i lëvduar, se Mëshirë dhe dritë të bukur, o Er Rrahman, derdh mbi ne, Ti papushuar. O Allah, qofsh i lëvduar, Na i shtofsh më tej Ti mirësitë, dhe çdo vepër e jona, e sinqertë, për hirin Tënd, Qoftë prej Teje e pranuar! Ti je i Përsosur, je Madhështori, Je i Vetëm, i Pashok, Ngadhënjyes, je më i Pastri, më i Fuqishmi, më i Përkori, je më i Gjithdijshmi,Ti je Mbrojtësi, më Bujari, je Shëruesi, më i Buti, më Bamirësi, je Shpëtimtari, El Gafari, El Xhebbari, Ti nuk ke të krahasuar, me asnjë send në tërë botën, s'ke nevojë për lavdet tona, për askënd në tërë botën, je më i Larti, më i Madhi. O Allah, qofsh i Lëvduar, O më i Bukuri, më i Pastri, më Bamirësi, O Kujdestari ynë, mbushi zemrat tona, mendjet tona, jetët tona, tryezat tona, shtëpitë tona, Familjet tona, punët tona, të tashmen tonë, të ardhmen tonë, plot me paqe e me gëzim, dhe me më të drejtin udhëzim, me shërim, dhe me falje mëshirë, me shkëlqim, begatim, gjallërim e modesti, plot fatbardhësi, para Teje me bindje të plotë, dhe me drojë e përulësi! Na shpëtofsh në këtë botë dhe në amshim. E pranofsh çdo vepër tonën të sinqertë, për hirin Tënd, Ramazan pas Ramazani dhe në amshim, qofshim përherë nën kujdesin Tënd, O Allah, o Er Rrahman, o Er Rrahim! Amin!_ Amin!_ Amin! Poetesha: Lule Dhrami .............................................. Allahu i Madhërishëm, në Kuranin Famëlartë thotë: “Muaji Ramazan është ai, në të cilin ka zbritur Kurani“. [Kurani Famëlartë 2:186] „O besimtarë! Ju është caktuar që të agjëroni… (Agjërim duhet mbajtur) një numër të caktuar ditësh.“ -sure 2, vargu 183-184 “O ju që besuat, agjërimi u është bërë obligim sikurse që ishte obligim edhe i atyre që ishin para jush, kështu që të bëheni të devotshëm. (jeni të obliguar për) Ditë të caktuara, e kush është i sëmurë prej jush ose është në udhëtim (e nuk agjëroi), atëherë ai (le të agjërojë) më vonë aq ditë. E ata që i rëndon ai (nuk mund të agjërojnë), janë të obliguar për kompenzim, ushqim (ditor), i një të varfëri ai që nga vullneti jep më tepër, ajo është aqë më mirë për te. Mirëpo, po që se dini, agjërimi është më i mirë për ju.”(El Bekare, 183-184) Ajete te plota,per agjerimin. “Ditët e caktuara” që i përmend Kur’ani, janë muaji i Ramazanit, në të cilin filloi shpallja e Kur’anit, si udhërrëfyes për njerëzinë dhe si dëshmi e qartë që shpie në rrugën e drejtë dhe që e ndanë të vërtetën nga e pavërteta.